2015 йилнинг 4—6 октябрь кунлари ташқи ишлар, соғлиқни сақлаш, маданият ва спорт ишлари вазирликлари, Давлат божхона қўмитаси, Ер ресурслари, геодезия, картография ва давлат кадастри давлат қўмиталари вакилларидан ташкил топган Ўзбекистон Республикаси делегацияси Сеул шаҳрида «Корея Республикаси – Марказий Осиё» тўққизинчи ҳамкорлик форумининг мажлисида иштирок этди. Бу ҳақда Ўзбекистон Ташқи ишлар вазирлиги матбуот хизмати хабар бермоқда.
Иштирокчи давлатлар делегациялари соғлиқни сақлаш, геокенглик маълумотлари, божхона маъмурияти, маданий алоқалар соҳаларидаги ҳамкорликнинг ҳозирги ҳолати ва истиқболлари ҳамда Форум шаклида ўзаро манфаатли ҳамкорликни янада кенгайтириш бўйича қўшма режаларни муҳокама қилди.
Форум доирасида Корея Республикаси ва Марказий Осиё мамлакатлари ишбилармон доираларининг 200 дан ортиқ вакиллари иштирок этган «Савдо-иқтисодий ва туристик роуд-шоу» кўргазмаси бўлиб ўтди.
Ўзбекистон делегацияси Сеул шаҳрига ташриф доирасида Корея Республикаси ташқи ишлар вазирининг биринчи ўринбосари Чо Тхе Ён билан музокаралар ўтказди.
Музокарарлар чоғида икки томонлама муносабатларни янада ривожлантиришнинг истиқболли йўналишлари, олий даражадаги Ўзбекистон—Жанубий Корея учрашувлари давомида эришилган келишувларни амалга ошириш жараёни кўриб чиқилди.
Изоҳ (0)