Isroil askarlari Iordan daryosining g‘arbiy qirg‘og‘ida jоylashgan Tulkarm shahridagi to‘qnashuvlar chog‘ida falastinlikni otib o‘ldirdi. Bu haqda “Jeruzalem post” ma’lumotlariga tayanib, “TASS” xabar bermoqda.
Isroil mudofaa armiyasi matbuot xizmatining ma’lum qilishicha, 100 dan 200 nafargacha bo‘lgan falastinliklar shaharga kiraverishdagi nazorat-o‘tkazish posti yaqinida askarlarga tosh va alangalanuvchi shisha idishlar uloqtirgan. Harbiylar tartibsizlikning uch nafar ishtirokchisiga qarata o‘q uzgach, ulardan biri olingan jarohatlar oqibatida keyinchalik hayotdan ko‘z yumgan.
Oktabr oyi boshidan beri falastinliklar hujumi tufayli to‘rt nafar isroillik halok bo‘ldi: Quddusning Eski shahar qismida ikki isroillik pichoqlangan, yana ikki kishi Iordan daryosining G‘arbiy qirg‘og‘idagi shosseda avtomobilning o‘qqa tutilishi oqibatida nobud bo‘lgan.
Falastin tibbiy xizmatlarining bildirishicha, yakshanba, 4-oktabrdan beri Isroil armiyasi va politsiya bilan to‘qnashuvlarda 200 dan ziyod falastinlik yaralangan.
Izoh (0)