Мичиганлик (АҚШ) фермер Жеймс Бристл ўртоқлари билан буғдой даласида дренаж қувури учун зовур қазиётганида бир метр келадиган суяк топиб олди. Бу ҳақда «Корреспондент.net» хабар бермоқда.
Бристл Мичиган университети қошидаги палеонтология музейига қўнғироқ қилди. Далага етиб келган музей ходимлари фермер жунли ва Колумбия мамонтларининг ноёб гибриди суякларини топиб олганини аниқлади.
Университет профессори ва талабалар иштирок этган қазиш ишлари давомида 11—15 минг йил аввал 40 ёшида ҳалок бўлгани тахмин қилинаётган мамонт суякларининг 20 фоизи, жумладан, дандон тишли бош суяги топилган.
АҚШ қонунларига кўра, ер соҳиби топилмаларга эгалик қилиш ҳуқуқига эга, шу боис суяклар Бристлга қарашли ферма қошидаги дўконда турибди.
Изоҳ (0)