Миянгизга ажойиб ғоя келди. Ҳатто, лойиҳа учун бошланғич капитал ва жамоа ҳам топиб қўйдингиз. Бироқ бизнесингиз муваффақияти кўп масалаларда ўзингизга боғлиқ.
Ўз-ўзингизга бир нечта савол бериб кўринг:
1. Бизнесда ўзингизга ўхшаган шеригингиз бўлишини истармидингиз?
Бу саволга яхши ва ёмон шахсий хислатларингизни баҳолаган ҳолда холисона жавоб беришга ҳаракат қилинг. Одамлар бажонидил сизга ишониб, ҳурмат қилиб, сиз билан ишлайдими?2. Оилангиз сизни қўллаб-қувватлашга тайёрми?
Стартап қуриш — жуда қийин вазифа, у сиз тасаввур қилганингиздан анча оғирроқ. Миянгиз доим миллионлаб савол ва муаммоларга тўла бўлади; ҳеч ким, жумладан, яқинларингиз ҳам бошингизда нималар бўлаётганидан мутлақо бехабар бўлади. Оилангиз сизнинг ҳафтада етти кун, дам олиш кунларисиз ўз лойиҳангиз устида ишлашингизни тушунмаслиги мумкин.3. Ҳеч бўлмаса бир йилга етадиган пулингиз борми?
Жамғариб қўйган маблағингиз сиз ўйлагандан кўра анча тез сарфланиб кетади. Йўлингизда кўринмас харажатлар, ҳуқуқшуносларга тўловлар, бузилган компьютерлар, ҳисобчига маош каби чиқимлар доимий равишда пайдо бўла бошлайди. Муваффақият аста-секинлик билан келади, пул эса сарфланиб кетаверади. Ақл билан иш тутинг: энг биринчи кунданоқ режалаштиринг.4. Суткасига бир неча соатдан ухлашга тайёрмисиз?
Офис ишчилари дунёсидан қочиб, ниҳоят орзуимга эришдим: қаерда хоҳласам, ўша ерда ишлайман, — деб ўйларсиз. Ёдда тутинг: тадбиркорлар — бир ҳафта учун белгиланган 40 соатни ишламаслик учун 80 соат ишлашга тайёр кишилар.Бироқ ўз бизнесингизга олиб борадиган йўл қанчалик машаққатли бўлмасин, ундан ҳузур олинг. Ахир «агар сиз ўз орзунгизни амалга оширмасангиз, бошқа биров ўзиникини амалга ошириш учун сизни ёллайди», — деган ажойиб гапни айтишган.
Мақолани тайёрлашда қуйидаги манбадан фойдаланилди: http://big5.ru/businessman/
Лойиҳа «Дарё» ва StartupFactory.uz томонидан ишга туширилган.
Изоҳ (0)