Владимир Кличконинг собиқ шифокори Степан Желяпов украиналик боксчининг тикланиши учун талаб этиладиган тахминий муддатни айтиб ўтди. Бу ҳақда «Корреспондент.net» хабар бермоқда.
«Бир ярим-икки ой — тикланиш учун оптимал муддат. Яқин орада Владимир мушакларини аста-секин ҳаракатга келтириши, сўнг синов жангларига ҳам ўтиши мумкин, — дея таъкидлаган шифокор. — Тикланиш шу тарзда кетса, беллашув йил охирига қадар бўлиб ўтади.
Бу воқеа атрофида ортиқча шов-шув кўтаришга ҳожат йўқ. Боксчилардаги бундай жароҳатлар фаолиятини тўхтатишига олиб келмайди. Володя бунга ўхшаш ҳолатларнинг кўпини бошидан ўтказган, албатта оёққа туриб кетади».
Эслатиб ўтамиз, WBA, WBO, IBF ва IBO йўналишлари бўйича жаҳон чемпиони Владимир Кличконинг Тайсон Фюри билан жанги 24 октябрь куни Дюссельдорфда бўлиб ўтиши керак эди. Кличко 24 сентябрь куни Австрияда, машғулотлар чоғида жароҳат олган.
Изоҳ (0)