Британиялик актриса Кейт Уинслетнинг тан олишича, у «Китобхон» фильмидаги роли учун олган «Оскар» ҳайкалчасини ваннахонада сақлайди. Актрисанинг The New York Post’га маълум қилишича, у буни ўз меҳмонлари учун махсус уюштирган — улар ваннахонага кириб, ҳайкалчани қўлга олиб, ўзини тақдирлаш маросимидек ҳис қилиши мумкин.
«Исталган одам уни қўлига олиб, кўзгуга қараши ва: «Ўғлим ва отамга раҳмат!..», — қабилида бир нима дейиши мумкин. Кимдир шундай қилса, дарров билинади — у ваннахонада узоқ қолиб кетиб, қизарган юзлари билан чиқиб келади. Бу жуда қизиқ!», — деди актриса.
Уинслет 2009 йили «Китобхон» фильмидаги иштироки учун «Энг яхши аёл роли» йўналишида «Оскар» мукофотига лойиқ топилганди. Актриса яқин вақт ичида режиссёр Денни Бойл томонидан суратга олинган «Стив Жобс» фильмида пайдо бўлади — фильм 12 ноябрь куни прокатга чиқади.
Изоҳ (0)