Жеймс Бонд ҳақидаги янги — «007: Спектр» (Spectre) фильмини тасвирга олиш жамоаси Римдаги пойга саҳналарини суратга олиш вақтида ўз ихтиёридаги 10 та Aston Martin DB10 автомобилларидан умумий қиймати 35 миллион долларга тенг еттитасини ишдан чиқарди. Бу ҳақда «Интерфакс» хабар бермоқда.
«Биз «Спектр» фильмини суратга олиш жараёнида автомобилларни ишдан чиқариш бўйича рекорд ўрнатдик», — дейди трюкларнинг бош постановкачиси Гери Пауэлл. Унинг сўзларига кўра, тасвирга олиш жамоаси бутун тун давомида фильмнинг тўрт сониялик лавҳаси устида ишлаган.
Хабар беришларича, Римда Aston Martin DB10 рулидаги Жеймс Бондни фильмнинг ёвуз қаҳрамонларидан бири Jaguar C-X75 автомобили ёрдамида таъқиб этиши тасвирланган.
Британиялик агент Жеймс Бонд ҳақидаги 24-фильм жаҳон прокатига 2015 йил 6 ноябрь куни чиқарилиши кутилмоқда. Унда бош ролни тўртинчи марта Дениэль Крейг ижро этган.
Изоҳ (0)