Ҳалок бўлган актёр Пол Уокернинг ягона қизи Porsche автомобиль компаниясини судга берди, деб хабар беради «Корреспондент.net».
17 ёшли Мидоу Рэйн Porsche Carrera GT спорт машинасининг камчиликлари бўлмаганда, унинг отаси тирик қолиши мумкин эди, деб ҳисобламоқда.
Қизнинг даъвосида таъкидланишича, Carrera GT баъзи бир қурилмалар билан жиҳозланмаган, жумладан, унда барқарорлаштириш ва эшикни мустаҳкамлаш тизими бўлмаган.
Мидоу Рэйн, шунингдек, унинг отаси ўтирган автомобиль ҳалокат олдидан, тергов аниқлагандек, соатига 151 километр эмас, 114 километрдан ошмаган тезликда ҳаракатланганлигини таъкидлади.
Эслатиб ўтамиз, Пол Уокер 2013 йил 30 ноябрь куни Лос-Анжелесда содир бўлган автоҳалокат натижасида ҳаётдан кўз юмган. Машинани бошқарган Рожер Родаснинг турмуш ўртоғи ҳам Porsche’ни судга берган, бироқ компания барча айбларни Родасга ағдарган эди.
Изоҳ (0)