Йозеф Блаттернинг муддатидан олдин истеъфога чиқиши ФИФАда муҳокама ҳам қилинмайди. Бу ҳақда унинг собиқ маслаҳатчиси Клаус Штехлкер маълум қилди, деб ёзади «Эхо Москви».
У немис ОАВларига берган интервьюсида ФИФА президенти ўзига нисбатан Швейцарияда жиноят иши қўзғатилганидан ҳеч ҳам хавотирда эмаслигини айтди. Унинг сўзларига кўра, Блаттер ажойиб кайфиятда.
Эслатиб ўтамиз, аввалроқ Швейцария ФИФА раҳбари Йозеф Блаттерга нисбатан жиноий тергов бошлаган эди. Уни масъулиятсизлик ва мол-мулкни ноқонуний ўзлаштириб олишда айблашмоқда. Блаттер федерация учун фойдасиз бўлган телетрансляция шартномасини тузишда гумон қилинмоқда. Шартнома 2005 йилда КОНКАКАФнинг ўша пайтдаги раҳбари Жек Уорнер билан имзоланган. Бундан ташқари, ФИФА президенти УЕФА раҳбари Мишель Платинига ноқонуний пул ўтказганликда шубҳа қилинмоқда. Бунда гап икки миллион франк ҳақида бормоқда. Ушбу суммани Блаттер 2011 йилда тўлаган.
Изоҳ (0)