Украина футбол федерацияси президенти Андрей Павелко Симферополнинг «Таврия» клубини қайта ташкил этиш режаси борлигини тасдиқлади. Янги жамоа Херсон шаҳрида уй ўйинларини ўтказади, деб хабар беради «Uff.uz»
«Биз, дарҳақиқат ‘Таврия’ни Херсон шаҳрида қайта ташкил этиш режасини тузиб чиққанмиз. Бу ҳолат нафақат асосий жамоа, балки болалар жамоасидан тортиб барча ёшдаги таркибларни ўз ичига олган. Бу борада УЕФА билан келишувга эришганмиз.
‘Таврия’ яна аввалги мавқеини тиклаб олишини истаймиз. Бунинг учун ‘Пахтакор’ услубидан фойдаланамиз. Тошкент клуби 1979 йилда авиаҳалокатга учрагач, бутун мамлакат унга ёрдам берган ва Олий лигадаги ҳар бир клуб 2—3 нафар футболчисини ўзбек жамоасига ижарага берган эди. Шу билан бирга Олий лиганинг барча клублари жам бўлиб, янги ‘Пахтакор’ қандай натижа қайд этишидан қатъий назар, 3—5 йил давомида қуйи лигага тушиб кетмаслигига келишиб олган.
Биз ҳам ‘Таврия’ билан худди шундай йўл тутмоқчимиз», — дейди мутасадди.
Изоҳ (0)