Анжелина Жолининг турмуш ўртоғи, америкалик актёр Брэд Питт рафиқасининг уч нафар суриялик болани асраб олиш истагини қўллаб-қувватламади. Аммо улар суриялик бир болани асраб олиш бўйича якдил фикрга келди. Бу ҳақда «Nur.kz» хабар бермоқда.
БМТнинг қочоқлар бўйича эзгу ният элчиси бўлган Жоли қочоқлар лагерига сафарларидан бирида уч нафар суриялик ака-ука етимларни учратган. Улардан бири актрисага отасини ҳарбийлар олиб кетгани, онаси эса бомба портлашида ҳалок бўлганини ҳикоя қилиб берган. АҚШга қайтганидан сўнг Жоли оилага етим болаларнинг барчасини олишга турмуш ўртоғини кўндирмоқчи бўлди, аммо Питтга бу фикр унча маъқул келмади. Шундай бўлса-да, улар бир нафар суриялик болани асраб олишга қарор қилди.
«Бу жараён узоқ муддатга чўзилиб кетди, — дея ҳикоя қилади оиланинг яқинларидан бири. — Болани АҚШга олиб келиш учун яна тўрт-беш ой талаб этилади».
Эслатиб ўтамиз, Жоли ва Питтнинг уч нафар ўзларининг ва яна шунча асраб олган болалари, жами олти нафар фарзанди бор.
Изоҳ (0)