Пекиндаги халқаро марафонда етти киши инфаркт бўлди. Бу ҳақда The South China Morning Post хабар бермоқда.
Хитой пойтахтида 20 сентябрь куни бўлиб ўтган пойгада жами 30 мингга яқин одам қатнашган. Олти нафар пойгачи ва тадбирни кузатаётган амалдор юрак хуружи билан касалхонага олиб келинган. Жабрланганлар орасида энг кичиги 30 ёшда. Марафон куни Пекинда ҳавонинг юқори даражали ифлосланиши қайд этилган бўлса-да, мусобақа барибир ўтказилди ва кўпчилик иштирокчилар ниқобда қатнашди.
Шаҳар маъмуриятининг маълум қилишича, ўтган йилги худди шундай марафон вақтида Пекинда ҳаво ифлосланишининг «кўк» рангли даражаси қайд этилган. Бу атмосфера ҳолати очиқ ҳавода тадбир ўтказишга тўғри келмаслигини кўрсатади. Шунга қарамай бу ҳолат ташкилотчиларни тўхтата олмади ва мусобақа ўтказилди.
Ҳавонинг ифлосланиши Хитой учун катта муаммога айланган: Berkeley Earth тадқиқот марказининг маълумотларига кўра, ушбу мураккаб вазият туфайли мамлакатда ҳар куни тўрт мингдан зиёд одам вафот этади. 2017 йилга бориб Хитойдаги барча автомобиллар «Хитой-5» стандартига ўтказилиши лозим, унга кўра автомобиллардан чиқаётган зарарли газлар миқдори 30 фоизгача қисқариши керак.
Изоҳ (0)