Башар Асадга қарши кураш олиб бораётган суриялик исёнчилар Россияга «янги Афғонистонни уюштириш» билан таҳдид қилди. Бу ҳақда, «Газета.ru»нинг ёзишича, бир қатор исёнчилар билан интернет орқали боғланишга муваффақ бўлган Reuters агентлиги хабар бермоқда.
Исёнчиларнинг фикрича, Россиянинг Суриядаги фаоллиги исёнчиларга Форс кўрфази мамлакатларидан, хусусан, Саудия Арабистонидан кўрсатилаётган ҳарбий ёрдам ҳажмининг ошишига сабаб бўлиши мумкин.
Reuters билан суҳбатлашган исёнчиларнинг фикрича, Россиянинг аралашуви бир неча оқибатларга сабаб бўлади. Биринчидан, қуролли низо кенгайиб, янада чўзилиб кетиши мумкин. Иккинчидан, мазкур низо Саудия Арабистони ва Эрон ўртасидаги муносабатларга бевосита таъсир қилади.
«Россия янги Афғонистонга аралашиб қолиш масаласида таваккал қилмоқда — Россия бу ерга ўз қўшинларини жўнатади, улар бу ердан тобутларда қайтишади», — деди исёнчилардан бири.
АҚШнинг фикрича, Сурия инқирозини фақат сиёсий йўл билан ҳал қилиш мумкин.
Изоҳ (0)