Хитойнинг Янчжоу шаҳрида истиқомат қилувчи фуқаро iPhone 6s сотиб олиш мақсадида буйрагини сотишга қарор қилди. China Daily хабарига кўра, фамилияси У (Ву) бўлган йигитга бу ғояни унинг дўсти Хуанг (Ҳуанг) таклиф қилган.
Ўсмирлар интернетда органлар савдоси билан ноқонуний равишда шуғулланувчи агентни топган. Смартфон олиш ниятида бўлган У Нанкин шаҳридаги касалхонада тиббий кўрикдан ўтиши, у ерда У ва Хуанг агент билан учрашиши керак эди, бироқ агент учрашувга келмаган.
Шундан сўнг У ўз буйрагини сотиш фикридан қайтиб қолган ва бу ҳақда дўсти Хуангга айтган. Бироқ Хуанг савдони бекор қилишдан бош тортган, охир-оқибат У полицияга мурожаат қилишга мажбур бўлган. Ҳуқуқни муҳофаза қилиш органлари ҳозирча яшириниб олган Хуангни қўлга тушира олганича йўқ.
2013 йилнинг октябрида Шанхайда истиқомат қилувчи ёш оила қизини сотиб, пулига iPhone сотиб олгани маълум бўлганди. Ўшанда ишсиз эр-хотин туғуруққа яқин қолганида интернетда боланинг сотилиши ҳақида эълон берган.
Изоҳ (0)