Эълон бериш бўйича Ўзбекистондаги энг йирик платформа OLX.uz 2015 йил 15 сентябрдан бошлаб янги интернет-платформа ва янги мобил дастурга ўтди. Бу ҳақда OLX.uz «Дарё»га маълум қилди.
Нима ўзгарди ва бу нима учун қилинмоқда?
Сервиснинг энг асосий вазифаси сотувчи ва харидорга улар муваффақиятли битим тузишларида ёрдам беришдан иборат. Барча ўзгаришлар фойдаланувчилар билдирган фикр-мулоҳазаларга ва энг йирик хорижий эълон бериш платформалари тажрибасига таянган ҳолда киритилган. Такомиллаштиришлар қуйидагиларга йўналтирилган:
- эълон қўшиш осонлашди;
- қидирув самаралироқ бўлди;
- сотувчи ва харидор ўзаро алоқа ўрнатиши тезлашди;
- янги оддий ва тушунарли интерфейс;
- телефон рақами ёрдамида рўйхатдан ўтиш мумкин;
- Android ва iOS учун янги қулай дастурлар.
«Жаҳон талаблари даражасидаги, кўплаб мамлакатларнинг кўп миллионли фойдаланувчилари текширувчидан ўтган янги платформанинг татбиқ этилиши нафақат OLX.uz, балки бутун Ўзнет янги босқичга қадам қўйганини англатади, чунки, бу Ўзбекистонда электрон тижорат ривожланаётганини тасдиқлайди. Сифатли ва қулай сервис, Android ва iOS дастурий таъминотларида текширилган янги дастурлар фойдаланувчиларга ўз молларини тез сотиш, керакли товар ва хизматларни топиш имконини беради», — деб ҳисоблайди OLX Ўзбекистон лойиҳаси раҳбари Вячеслав Кан.
Платформанинг янги имкониятларига, авваламбор, қулай ва самарали қидирувни киритиш мумкин. Қидирганингизни топиш анча осонлашди! Мобил алоқа имкониятлари ҳам сезиларли даражада кенгайган – интерфейс шунчалик тушунарлики, бу билан олдин тўқнашмаган одамлар ҳам янги дастурни осон ўзлаштира олади. «Ёрдам» ахборот бўлими ҳам сезиларли даражада кенгайтирилган бўлиб, ундан сайт иши билан боғлиқ бўлган деярли барча масалалар бўйича жавоб ва маслаҳатларни, шу жумладан ман этилган товарлар ва хизматларнинг тўлиқ рўйхати ҳамда OLX’да хавфсиз сотиш ва харид қилиш юзасидан тавсияларни топиш мумкин.
Янгиланиш амалга оширилгач, барча фаол эълонлар янги платформага кўчирилди. Телефон рақамлари тўғри кўрсатилган барча аккаунтлар олдинги логинлари ва пароллари бўйича фаоллигича қолди. Фойдаланувчиларнинг шахсий кабинетларида мавжуд бўлган ва пуллик хизматлардан фойдаланиш учун зарур бўлган РБ (реклама бонуслар) аккаунтларнинг янги платформадаги ҳисобварақларга ўтказилди, аммо сўмда акс эттирилади: 1 РБ ҳисобни тўлдириш вақтидаги каби 1000 сўмга тенг.
OLX’даги асосий ўзгаришлар тўғрисида ушбу саҳифа орқали батафсил маълумот олиш мумкин.
Изоҳ (0)