Россиянинг Ханти-Мансийск шаҳрида якунига етиб бораётган шахмат бўйича 20 ёшгача бўлган ақл идрок соҳиблари ўртасидаги жаҳон чемпионати ўзининг ҳал қилувчи палласига кирди. Жаҳон чемпионатининг ўғил болалар ўртасидаги мусобақасида Ўзбекистон шарафини Шамсиддин Воҳидов ҳимоя қиляпти, деб хабар беради «Оламспорт».
Воҳидов 14 сентябрь куни ўтказилган 12-тур учрашувида дуранг қайд этди. Қора доналарда ҳаракат қилган Шамсиддин ўзи сингари 5 очкога эга бўлиб турган ҳиндистонлик шахматчи Харша Бхараткоти билан очколарни бўлишиб олди.
Ўзбекистонлик шахматчи бугун, 15 сентябрь куни ўтказиладиган сўнгги 13-турда Ноэл Студер билан ҳисоб-китоб қилади. Сўнгги тур олдидан Шамсиддин 5,5 очко билан турнир жадвалида 39-поғонадан жой олган. Турнир жадвалида 12 имкониятдан 9,5 очко жамғарган польшалик гроссмейстер Ян-Крзижтоф Дуда якка пешқадамлик қиляпти.
Изоҳ (0)