Яман ҳукумати, исёнчи хусийлар БМТ Хавфсизлик кенгашининг 2216-резолюциясини тан олиб, унинг талабларини бажармагунича, БМТ воситачилигида исёнчилар билан музокараларга киришишдан бош тортди. Бу ҳақда «ТАСС» хабар бермоқда.
БМТ Хавфсизлик кенгаши 11 сентябрь куни Ямандаги низолашаётган томонларни «олдиндан ҳеч қандай шарт қўймасдан» музокараларга киришишга, шунингдек, «сиёсий мақсадларга етиш йўлида зўравонлик ҳаракатларини амалга ошириш ва сиёсий ўзгаришлар жараёнини издан чиқарувчи бир томонлама ҳаракатлардан воз кечишга» чақирган эди.
10 сентябрь, пайшанба куни БМТ бош котибининг Яман бўйича махсус вакили Исмоил Шайх Аҳмад Яман ҳукумати, исёнчи хусийлар ҳамда мамлакатнинг собиқ президенти Али Абдулла Солиҳ раҳбарлигидаги Умуммиллий халқ конгресси партияси келаси ҳафта тинчлик музокараларини ўтказишга рози бўлганини маълум қилганди.
Аввалроқ БМТ махсус вакили мазкур музокараларни Қурбон Ҳайитига қадар Уммонда ўтказишни таклиф қилганди.
Изоҳ (0)