Facebook ижтимоий тармоғи асосчиси ва бош директори Марк Цукерберг Американинг Vanity Fair журнали версиясига кўра, дунёдаги энг обрўли одамга айланди ва «янги элита» рейтингида етакчилик қилди, дея хабар бермоқда «Nur.kz».
Нашр таъкидлашича, Цукербергнинг ОАВга таъсири кучли, у, шунингдек, одамларни Oculus Rift кўзойнаклари ёрдамида виртуал дунёга «кўчириб», рақамли инқилобни амалга оширмоқчи. Нашр унинг статусини давлат лавозимига қиёслади.
«У ўзини ажойиб тадбиркор сифатида намоён этди, ва, эҳтимол, келажакда энг нуфузли корпоратив етакчилардан бирига айланиши мумкин», — деб ёзади Vanity Fair.