Футбол бўйича Ўзбекистон миллий терма жамоаси ЖЧ-2018 ва Осиё Кубоги-2019 саралаши доирасида Филиппинга қарши сафарда кечган учрашувда ишончли ғалабага эришди. Бу ҳақда «Uff.uz» хабар бермоқда.
Ўйин Ўзбекистон миллий терма жамоаси учун жуда омадли бошланди. Одил Аҳмедов илк дақиқадаёқ ажойиб зарбаси эвазига ҳисобни очди. Орадан ҳеч қанча вақт ўтмай, 14-дақиқада Сардор Рашидов ҳисобни 2:0 кўринишига келтирди. Биринчи бўлим охирларида Игорь Сергеевнинг ишончли ўйини ҳисобнинг йирик кўринишда ўзгаришига олиб келди.
Иккинчи бўлимда Филиппин вазиятни ўнглашга уриниб кўрди. Аммо Ўзбекистон терма жамоаси ҳимояда ишончли ўйнаб, ҳужумларда кескин ҳаракат қилишда давом этди. Оқибатда Игорь Сергеев 65-дақиқада дублни расмийлаштиришга муваффақ бўлди.
Афсуски, дарвозабон Александр Лобанов йўл қўйган қўпол хато туфайли Ўзбекистон терма жамоаси ўйинни «қуруқ» кўринишда якунлаш имкониятини қўлдан бой берди. У қадар хавфли кўринмаган жарима зарбаси вақтида Лобанов ўз ўрнини ташлаб чиқди ва гол ўтказиб юборди.
Аммо бу голдан сўнг ҳам терма жамоамизда бир қатор голли вазиятлар бўлди. Хусусан, 79-дақиқада Сардор Рашидов ҳам дублни расмийлаштирди ва учрашув 5:1 ҳисобида якунига етди. Шу тариқа Ўзбекистон терма жамоаси муҳим ўйинда ғалабага эришди ва саралаш гуруҳида 2-ўринга кўтарилиб олди.
ЖЧ-2018 саралашиФилиппин – Ўзбекистон 1:5 (0:3)Голлар: Одил Аҳмедов (1), Сардор Рашидов (14, 81), Игорь Сергеев (43, 65).Филиппин: Эсериж, Палла, Вудланд (Агуиналдо, 46), Рамсей (Шрок, 46), Отт, Мусаг, Янгхазбенд, Дайсуки, Люцена, Патино, МартинЎзбекистон: Александр Лобанов, Виталий Денисов, Егор Кримец, Анзур Исмоилов, Ислом Тўхтахўжаев, Станислав Андреев (Ҳасанов, 77), Азиз Ҳайдаров, Одил Аҳмедов, Сервер Жепаров (Соҳибов, 74), Сардор Рашидов (Турсунов, 77), Игорь Сергеев.
Изоҳ (0)