Бразилияда уйсиз фуқаро гаровга олинган аёлни қутқариш йўлида ўз жонини фидо қилди. Unilad хабарига кўра, ҳуқуқбузарга ҳужум қиларкан, уйсизнинг кўкрагини икки ўқ тешиб ўтган.
Доимий истиқомат жойи бўлмаган Франциско Эразмо Родригес де Лима Сан-Паулудаги Кафедрал черкови яқинида тўппонча билан қуролланган эркак бир аёлни ерга ётқизиб олиб, уни ўлдириш билан таҳдид қилаётганини пайқаб қолган.
Интернетда тарқалган видеоёзувда де Лима жиноятчига ҳужум қилиб, уни жабрланувчидан узоқлаштириб юборгани тасвирланган. Шу вақт унга қарата биринчи ўқ отилган, бироқ бу де Лимани тўхтата олмаган. Ўқотар полициячи томонидан ўлдирилишидан аввал уйсизга қарата иккинчи марта ўқ узишга улгурган.
Аёлни қутқариб қолган уйсиз ҳодиса жойида вафот этган. Юз берган ҳодисадан хабар топган минглаб интернет фойдаланувчилар мамлакат ҳукуматини қаҳрамонни муносиб хотирлашга ва иззат-икром билан дафн этишга чақирди.
Полициячиларнинг маълум қилишича, де Лима ёрдамида йўқ қилинган жиноятчи умрининг 22 йилини панжара ортида ўтказган. У ўғрилик, моддий зарар ва тан жароҳати етказганлик жиноятлари учун жазони ўтаган.
Изоҳ (0)