Тошкент иккиламчи уй бозоридаги ўртача таклиф нархи август ойи якунларига кўра 1 квадрат метр учун 730 шартли бирликни ташкил этди. Бу ҳақда Credo Max Estimation баҳолаш ташкилотига таяниб, «Газета.uz» хабар берди.
Июль билан таққослаганда (734 ш. б.) квартира нархлари 1 фоизга пасайди. Панель уйлардаги квартиралар ўртача нархи 697 ш. б., ғишт уйлардаги — 772 ш. б. ни ташкил қилди.
Август ойида Тошкентдаги 11 тумандан 6 тасида квартира нархлари пасайган, 4 тасида ошган, 1 та туманда эса нархлар ўзгаришсиз қолган.
Мирзо Улуғбек (724 ш. б.), Яшнобод (656) ва Чилонзор (741) туманларида нархлар 3 фоизга, Сергели (577) туманида 2 фоизга, Учтепа (701) ва Яккасарой (792) туманларида 1 фоизга тушган.
Шайхонтоҳур туманида (851) нархлар 1 фоизга, Миробод (790), Олмазор (719) ва Юнусобод (763) туманларида 2 фоизга ошган. Бектемир туманидаги (507) нархлар ўтган ойга нисбатан деярли ўзгаришсиз қолган.
Изоҳ (0)