Ўзбекистон Иқтисодиёт вазирлигининг «Технологиялар трансфери агентлиги» давлат корхонаси тугатилади. Бу, «Газета.uz»нинг хабар беришича, Вазирлар Маҳкамасининг 28 августдаги қарорида белгилаб қўйилган.
Технологиялар трансфери агентлиги 2008 йили Фан ва технологияларни ривожлантиришни мувофиқлаштириш қўмитасидан Иқтисодиёт вазирлиги тасарруфига ўтказилган эди. Унинг асосий вазифалари инновацион лойиҳаларни ишлаб чиқиш ва уларни ишлаб чиқаришга жорий этиш, инновацион технологияларни, шу жумладан, хорижий инновацион технологияларни мустақил экспертизадан ўтказиш, мослаштириш ва мамлакатимиз амалиётига жорий этиш, илмий-техник ишланмаларни тижорат сотуви объекти сифатида ишлаб чиқаришга жорий этиш лойиҳаларини тузиш ва амалга ошириш, илмий-техник ишланмалар натижаларини тижоратлаштириш соҳасида халқаро илмий-техник ҳамкорликни амалга оширишдан иборат эди.
Ҳукумат қарорига мувофиқ, Иқтисодиёт вазирлиги марказий аппарати ходимларининг чекланган сони (150 нафардан 176 нафаргача) ва вазир ўринбосарларининг сони (уч нафардан тўрт нафаргача, вазирнинг биринчи ўринбосаридан ташқари) оширилган.
Изоҳ (0)