Хитой раҳбари Си Цзиньпин Жанубий Корея президенти Пак Кин Хе билан учрашуви давомида Корея яриморолини ядровий қуролдан ҳоли ҳудудга айлантириш бўйича олти томонлама музокараларни имкон қадар тезроқ қайта бошлашга чақирди. Бу ҳақда «ТАСС» хабар бермоқда.
«Хитой кескин вазиятларнинг юзага келишига сабаб бўладиган ҳар қандай ҳаракатларга қаршидир. Хитой Шимол ва Жануб ўртасидаги муносабатлар музокаралар йўли билан яхшиланишда давом этаётганини олқишлайди, низоларнинг тинч ва ҳамкорлик йўли билан ҳал этилишини қўллаб-қувватлайди», — деди Си Цзиньпин.
КХДРнинг ядровий ва ракета дастурлари юзасидан ташкил этилган олти томонлама музокаралар Хитой, Жанубий Корея, Россия, АҚШ ва Япония иштирокида олиб борилган бўлиб, 2009 йили Пхеньяннинг ташаббуси билан тўхтатилган эди.
Изоҳ (0)