«Ўзбекистон ҳаво йўллари» миллий авиакомпанияси шу йилнинг 30 сентябрига қадар Украина пойтахтидаги ваколатхонаси фаолиятини тўхтатади. Бу ҳақда авиакомпаниядаги манбаларга таяниб, 12news.uz маълум қилди.
Эслатиб ўтамиз, олдинроқ авиакомпания 2015 йил 12 майдан эътиборан Ўзбекистон ва Украина ўртасида авиайўналишлардан фойдаланиш масаласида келишув бўлмаганлиги сабабли Тошкент—Киев—Тошкент йўналишида самолётлар парвози тўхтатилганини эълон қилган эди.
Ўзбекистоннинг Украинадаги Фавқулодда ва Мухтор Элчиси Алишер Абдуалиевнинг таъкидлашича, миллий авиакомпания май ойидан бери Украина маъмурларидан ҳафтасига бир марта Киевга парвозлар амалга оширилишига рухсат берилишини кутади. Украина тарафидан икки давлат пойтахтлари ўртасидаги ҳаво қатновининг бир томонлама тўхтатиб қўйилиши ҳаво транспорти соҳасидаги ҳамкорлик келишувларига зид ҳисобланади.
Изоҳ (0)