Покистон ҳарбий-ҳаво кучлари мамлакат шимоли-ғарбидаги Хайбер-Пахтунхва вилоятига берган авиазарбалар оқибатида камида 15 нафар жангари ҳалок бўлган ва саккиз нафари яраланган. Бу ҳақда «ТАСС» хабар бермоқда.
Покистоннинг DAWN нашри маълумотларига кўра, Покистон ҳарбий-ҳаво кучларининг зарбалари Тирах водийсидаги жангариларга тегишли деб гумон қилинган базаларга йўналтирилган. Ҳаво зарбалари оқибатида бундай базаларнинг иккитаси йўқ қилинган.
Тирах водийси Тора-Бора тумани ва Бара водийси оралиғида, Покистон—Афғонистон чегарасининг ҳар икки тарафида жойлашган бўлиб, вилоят пойтахти Пешовар шаҳрига олиб чиқади. Жангарилар базаси «Хайбер-2» ҳарбий операцияси доирасида нишонга олинди.
Бироқ, DAWN манбаларининг қайд этишича, маъмурий бошқарув тизими йўқ бўлган шароитда ва қўшимча кўмаксиз Тирах ва Бара вилоятидаги ҳарбий муваффақиятларни сақлаб қолиш ва мустаҳкамлаш масаласи ҳали ҳамон очиқ қолмоқда.
Изоҳ (0)