Тожикистонда юк машинаси Миллий гвардиянинг икки аскарини уриб кетди

Тожикистоннинг Суғд вилояти Бобожон Ғафуров туманидаги Дезмой қишлоғи ҳудудида 25 август куни юк машинаси мамлакат Миллий гвардиясининг автотрасса четидан юриб кетаётган икки аскарини босиб кетди, дея хабар бермоқда Asia-Plus.

Нашрнинг Тожикистон куч тузилмаларидаги манбаси берган маълумотларга кўра, автомашина ҳайдовчиси — маҳаллий фуқаро катта тезликда кетаётиб, бошқарувни йўқотган.

Миллий гвардияга бир ярим йил аввал хизматга чақирилган 20 ёшли Турсунзода шаҳри фуқароси олган жароҳатлари туфайли ЙТҲ жойида вафот этган. Шахси ҳали аниқланмаган иккинчи аскар кўп сонли шикастланишлар билан оғир аҳволда маҳаллий шифохонанинг жонлантириш бўлимига ётқизилган.