Тошкент шаҳри яқинида кучли ёнғин келиб чиқди

Тошкент шаҳри остонасига яқин ҳудудда катта ёнғин ва кучли портлаш юз бергани ҳақида ижтимоий тармоқларда ва Telegram каби лаҳзалик хабар алмашиш тизимларида бир-бирига зид хабарлар пайдо бўлди.

Ижтимоий тармоқларда Тошкент шаҳридан шарқ томонда юз бераётган катта ёнғин суратлари пайдо бўлган. Суратларнинг деярли барчаси узоқ масофадан олинган.

Турли, тасдиқланмаган манбаларга асосланиб ижтимоий тармоқ фойдаланувчилари томонидан тарқатилган ахборотларга кўра, Тузел қўрғонидаги аэродром ёки шаҳарнинг шарқий қисмидаги йирик саноат корхоаналаридан бири ёнаётган бўлиши мумкин.

Фойдаланувчиларнинг бири томонидан тарқатилган овозли хабарда ҳодиса «Роҳат» пости яқинидаги газ қуйиш шохобчаларининг бирида юз бергани айтилади.

Маълумот учун, ҳодисанинг айнан қаерда, нима сабабдан содир бўлгани, кўлами, жабрланувчилари ҳақида аниқ маълумот йўқ, ҳодиса ҳақида расмий ахборот берилганича йўқ.

Facebook’даги «Водители Ташкента» гуруҳида фойдаланувчилар томонидан қолдирилган хабарларга кўра, ёнғин ва портлаш шаҳар яқинидан ўтган магистрал газ қувурида юз берган, ҳодиса жойига кўплаб тез ёрдам кареталари ва ўт ўчириш машиналари ўтиб кетган.

https://twitter.com/AbrorQodirov/status/635853998713532420

https://twitter.com/GafurovaD/status/635853310180720641

https://twitter.com/BoburAkmalov/status/635854565720457220

https://twitter.com/xotirijam/status/635857791907827713

https://twitter.com/BoburAkmalov/status/635859063583084544