АҚШ Жанубий Корея билан ҳамкорликда ўтказиладиган анъанавий ҳарбий машғулотларни тўхтатди, бунга КХДР билан чегарадаги кескин вазият сабаб бўлди, деб ёзади «Газета.ru».
Америка ҳарбий муассасаси таъкидлашича, АҚШ вазиятни назорат қилмоқда ва ҳеч қандай ҳарбий чора-тадбирлар кўрмоқчи эмас. Шунингдек, ҳарбий машқлар давом эттирилиши номаълум.
Ярим оролда вазиятнинг жиддий кескинлашуви 20 август, пайшанба куни КХДР ва КР қуролсизлантирилган ҳудуднинг ғарбий қисмида бир-бирига артиллериядан ўқ ёғдиргач, содир бўлди. Жанубий Корея маълумотларига кўра, ўт биринчи бўлиб, Шимол томонидан очилган, бунга у ерга Сеул томонидан Пхеньянга қарши тарғибот кампаниясида фойдаланиладиган радиокарнайлар жойлангани сабаб бўлган. Бироқ КХДР ўз ҳарбийлари биринчи бўлиб ўқ ёғдирганини рад этмоқда.
Изоҳ (0)