Samsung компанияси янги серия смартфонлари — Galaxy O оиласини савдога чиқаришга тайёргарлик кўрмоқда. Бу ҳақда «3dnews.ru» хабар бермоқда.
Ҳозирча янги смартфонлар оиласидан икки модель — SM-G550 ва SM-G600 ўрин олиши кутилмоқда. Бозорда улар мос равишда Galaxy O5 ва Galaxy O7 номлари билан пайдо бўлади, деб тахмин қилинмоқда.
Янги қурилмаларнинг техник ўзига хосликлари ҳақида ҳозирча ахборот кўп эмас. Манбаларнинг маълум қилишича, Galaxy O5 катта эҳтимол билан 5 дюймли, Galaxy O7 эса 5,5 дюймли сенсор дисплей билан таъминланади ҳамда Android 5.1 (Lollipop) операцион тизими остида ишлайди.
Смартфонларнинг тақдимоти 4—9 сентябрь кунлари Германия пойтахти Берлинда ташкил этиладиган IFA 2015 кўргазмасида бўлиб ўтиши мумкин. Қурилмаларнинг қачон савдога чиқиши ва тахминий нархи ҳақида ҳозирча маълумот йўқ.
Изоҳ (0)