Cassini зонди Ерга Сатурн сайёрасининг кенг бурчакли камерада инфрақизил фильтр ёрдамида олинган ғаройиб суратларини узатди. Бу ҳақда NASA маълумотларига асосланиб, «Korrespondent.net» хабар берди.
Cassini фотолавҳаларни тахминан 1,5 миллион километр масофадан олган. Бундай суратлар олимларга сайёра атмосферасида булутлар жойлашувини аниқлаш имконини беради.
Эслатиб ўтамиз, "Кассини-Гюйгенс" – АҚШ ва Европа коинот агентликларининг Сатурнни ўрганиш бўйича ҳамкорликдаги лойиҳасидир. Зонд 1997 йилда "йўлга" чиқиб, 2004 йил 1 июлда сайёра орбитасига бориб етди. Айни пайтда қурилманинг фаолият муддати 2017 йилгача узайтирилган, бу эса тадқиқотчиларга Сатурнни барча фаслларда кузатиш имконини беради.
Лойиҳа якунида Cassiniни сайёра билан тўқнаштириш ва шу орқали Сатурн атмосфераси қатламлари таркиби ва хусусиятлари тўғрисида ноёб маълумотларни қўлга киритиш режалаштирилган.
Изоҳ (0)