www.uz Миллий қидирув тизими томонидан тузиб бориладиган Ўзбекистон сайтлари рейтингида 2015 йил 16 август куни якунларига кўра, Ўзбекистон Республикаси Вазирлар Маҳкамаси ҳузуридаги Давлат тест марказининг расмий сайти — www.dtm.uz биринчи ўринга кўтарилиб олди.
16 август, якшанба куни ДТМ сайтига жами 170 886 киши ташриф буюрган ва ташрифлар сони бўйича марказ «UFF.uz» ва «Дарё» сайтларидан ўзиб кетган.
Давлат тест марказининг бу қадар шиддат билан юқорига кўтарилишига сабаб Ўзбекистон Олий таълим муассасаларига кириш имтиҳони натижаларининг эълон қилиниши кутилаётганидир. Турли ижтимоий тармоқларда dtm.uz сайти орқали жавоблар чиққани ҳақида ёлғон хабарлар тарқалмоқда. Аммо натижалар айнан қайси санада эълон қилиниши ҳозирча маълум эмас.
Қайд этиш жоизки, 2013 йилда кириш имтиҳонлари натижалари 16 август куни, 2014 йилда ҳам 16 август куни эълон қилинган. 2015 йилда ОТМларга 605 836 нафар абитуриент ҳужжат топшириб, рекорд қайд этилган эди. 2014 йилда 543 131 та, 2013 йилда 480 447 та, 2012 йилда эса 432 мингдан ортиқ ҳужжат топширилган.
Изоҳ (0)