«Барселона» — «Севилья» ўйинида 11 рекорд ўрнатилди

«Барселона» ва «Севилья» Тбилисида УЕФА Суперкубоги тарихидаги энг кўп тўп киритилган учрашувни ўтказди, деб хабар қилади «Stadion.uz».

Бу учрашувда яна 10 та рекорд ўрнатилди ёки такрорланди.

- Лионель Месси дублга эришиб, еврокубоклардаги голлар сони бўйича Криштиану Роналдуга етиб олди (80 гол);

- Учинчи дақиқада Эвер Банега киритган гол УЕФА Суперкубоги тарихидаги энг тезкор гол бўлди;

- Дани Алвес УЕФА Суперкубогини беш марта қўлга киритган Паоло Малдинининг рекордини такрорлади;

- «Барселона» бош мураббийи Луис Энрике футболчи ва мураббий сифатида УЕФА Суперкубогини қўлга киритган бешинчи кишига айланди. Аввал бу натижага Ёхан Кройф, Хосеп Гвардиола, Карло Анчелотти ва Диего Симеоне эришган эди;

- «Барселона» бешинчи марта УЕФА Суперкубогини қўлга киритиб, «Милан»нинг натижасини такрорлади;

- Каталонияликлар тўққизинчи марта Суперкубок финалида ўйнади;

- «Барса» УЕФА Суперкубоги бир учрашувли форматга ўтганидан бери финалда 5 та гол урган биринчи жамоа бўлди;

- «Севилья» финалда ютқазган жамоалар ичида энг кўп гол киритган клуб бўлди;

- «Севилья» Суперкубокда уч тўп фарқини йўқ қилган биринчи жамоа бўлди.

- Энг асосийси Тбилисидаги «Динамо-Арена» стадионида нейтрал майдонда ўтказилган бир учрашувга мухлислар ташрифи бўйича рекорд ўрнатилди — 51490 томошабин.