Шанта исмли даниялик 16 ёшли бола португалиялик футболчи Криштиану Роналдунинг ашаддий ишқибози ва унинг ҳақиқий нусхаси бўлишни орзу қилади. «Vesti.ru»нинг ёзишича, ўсмир ўз мақсадига етиш йўлида пулни ҳам, вақтни ҳам аямайди, ҳатто, пластик жарроҳлик учун минг евро сарфлади.
Мадридга сўнгги сафари арафасида Шанта фамилиясини Роналду деб ўзгартиришгача борди. Шантанинг сўзларига кўра, у машҳур футболчидек кўриниш ва кийиниш учун жуда кўп пул сарфлайди. Бундан ташқари, у Роналду билан кўришгани тез-тез Испанияга бориб туради ва у билан шахсан танишлигидан фахрланади.
«Роналду ажойиб йигит. У ҳозир мени танийди ва биз ҳар доим илиқ суҳбатлашамиз. Унинг бой эканлиги, соғломлиги, омадли, кўркамлиги ва ҳақиқий ҳаёт билан яшаши менга ёқади», — дейди Шанта.
Ўсмирнинг сўзларига кўра, Шантанинг яқинлари унинг қизиқишларини ҳурмат қилади. «Улар ҳатто мени Криштиану Роналду деб ҳам чақиради», — деди даниялик йигитча.
Изоҳ (0)