Машина биринчи галда А манзилдан Б манзилга етиб олиш имконини берувчи ҳаракат воситасидир. Кимдир ундан ўз мақомини кўз-кўз қилиш учун, яна кимдир эҳтиёжини қондириш учун фойдаланади. Бироқ қуйида келтирилган автомобиллар инсонни лол ва ҳайрон қолдиришга хизмат қилади, деб ёзади «Nur.kz».
Пахмоқ автомобиль
«Пахмоқ ит» — «Аҳмоқ ва ундан ҳам аҳмоқроқ» фильмлари бош қаҳрамонларининг автомобили. Фургон Ford E-Series/Econoline асосида тайёрланган.
Гигант жип
Жип қанча катта бўлса, уни бошқараётган эркак ҳам ўзини шу қадар кучли ҳис қилади. БААлик Ҳамад бин Ҳамдан ал-Наҳён исмли шайхга тегишли 4,4 тоннали жип автомобилнинг энг асосий ўзига хослигига эга — ҳаракатлана олади.
Симли Lamborghini
Энг муҳими, бу машина ҳам ҳаракатлана олади. Лекин ҳақиқий Lamborghini’лардек тезкор эмас, акс ҳолда тилка-пора бўлиб кетиши мумкин.
Шаффоф автомобиль
Автомобилнинг ички тузилишини томоша қилиш учун мазкур Nissan жуда мос келади, бироқ яшириниш, овқатланиш ва бошқа ошкора амалга оширилмайдиган ишлар учун маъқул машина эмас.
Porsche-велосипед
Кўринишидан энг ҳақиқий ва энг зўр Porsche, лекин… двигатель йўқ. Автомобиль велосипед тепкиси ёрдамида ҳаракатга келтирилади. Дўстларни чув тушириш учун зўр «ўйинчоқ».
Муз-автомобиль
Жазирама ҳавода кондиционернинг ҳам, дезодорантларнинг ҳам кучи етмай, тана «эриб» кетаётганида, Canadian Tire ва Iceculture томонидан ишлаб чиқилган мана шу юк машинаси ёрдамга келади.
Спорт пойабзали кўринишидаги машина
Спорт либосларининг ишқибозлари ва соғлом турмуш тарзини олиб борувчилар учун жуда мос автомобиль.
Баланд пошнали автомобиль
Аёллар пойабзали кўринишидаги автомобиль. Ким айтганди оёқ кийимининг ичида ўтириб, сайр қилиб бўлмайди, деб?
Биттасининг нархига иккита қўнғиз
Кичик автомобиллар автотураргоҳларга жойлаштириш ва тирбандликларда ҳаракатланиш учун қулай, бироқ унга кўп одам сиғмайди. Муаммони қандай ҳал қилиш мумкин? Иккинчи автомобиль ёрдамида.
Клаустрофоблар учун эмас
Шаҳар тирбандликларида осон ҳаракатлана оладиган ва тўхтаб турган машиналар орасига суқила оладиган автомобиллар замонамизда олтинга тенглаштирилади. Муҳими, ҳажмни кичрайтириш масаласига қаттиқ шўнғиб кетмаслик керак. Масалан, бутун умр деҳқончилик қилган хитойлик Олд Гуо 500 долларга машина ясаб олди. Капот остида митти электр двигатель жойлашган бўлиб, бир марта қувватлантирилса, 60 километр йўлни кўрдим демайди.
Компакт автомобилларнинг бошқа вариантларини ҳам кўриш мумкин.
Изоҳ (0)