Швейцариянинг француз тилидаги Le Temps газетасида европалик тингловчилар қалбини забт этган ўзбекистонлик ёш пианиночига бағишланган «Беҳзод Абдураимов, оташин бармоқлар» сарлавҳали мақола чоп этилди, дея хабар бермоқда «Жаҳон» АА.
«Бу ёрқинлашиб бораётган юлдуз — Лондондаги 2009 йилги Халқаро танлов кашфиётидир, у Шарқ маҳоратли санъаткорларининг ёш авлодидан», — дейилади мақолада. Шунингдек, унда Беҳзоднинг 1990 йилда Тошкентда туғилгани, беш ёшидан пианино чала бошлагани, Успенский номидаги мусиқий мактабга боргани айтилади.
Ўз санъатини ўзбекистонлик пианиночи Канзас-Ситида, Парк университетидаги Станислав Юденичнинг фортепиано синфида чархлаганига алоҳида урғу берилди ва унинг бошқа маҳоратли устозлари санаб ўтилди.
Мақолада қайд этилишича, бугунги кунда Беҳзод йилига 60—65 та концерт беради. У ўз вақтини Канзас-Сити, Тошкент ва Лондон ўртасида тақсимлайди. Ишининг юқори суръати туфайли юзага келадиган чарчоқни эса ёш мусиқачи саҳнада чиқариб олади.
Изоҳ (0)