Машҳур хонанда Уитни Хьюстоннинг қизи Бобби Кристина Браун билан онасининг Jesus Loves Me қўшиғи садолари остида хайрлашишди. Бу ҳақда TMZ сайти хабар берди.
Хонандалар Уитни Хьюстон ва Бобби Браунинг ягона фарзанди, 22 ёшли Бобби Кристина Браун олти ой сунъий комада ётиб, 26 июль, якшанба куни оламдан ўтди. Бобби Кристина 31 январь куни турмуш ўртоғи Ник Гордон уни сув тўлдирилган ваннада ҳушсиз топганидан бери шундай ҳолатда бўлган.
Дастлабки суд-тиббиёт текшируви ўлим сабабларини аниқлай олмади. Қизнинг танасида шикастланиш аломатлари топилмаган, унда ҳеч қандай жиддий касалликлар ҳам бўлмаган.
Шу билан бирга, Бобби Кристина Брауннинг васийси ушбу ўлимда Ник Гордонни айблади: у Фултон округи олий судига тақдим этган аризада қиз комага тушган кун Гордон билан жанжаллашгани таъкидланади.
Изоҳ (0)