Кремль аввалроқ Евроиттифоқнинг Россия ва Қримга қарши санкцияларни узайтириш қарорини қўллаб-қувватлаган мамлакатларга нисбатан санкциялар киритилиши мумкинлигини маълум қилди. Бу ҳақда президент матбуот котиби Дмитрий Песковга таяниб, «РБК» хабар бермоқда.
Песков Россия ўзига қарши санкцияларга қўшилган бешта мамлакатга санкция киритиш-киритмаслиги ҳақидаги саволга жавоб бераркан, «Албатта кирита олади. Биз яна бир марта шуни такрорлаймизки, бунга икки тарафламалик тамойили асос бўлади», — деди.
Нашр эслатишича, аввалроқ Украина, шунингдек, ЕИга аъзоликка даъвогарлар Черногория ва Албания, Европа эркин савдо ассоциацияси мамлакатлари Исландия, Лихтенштейн ва Норвегия аксилроссия санкцияларига қўшилган эди. Ушбу санкциялар узайтирилиб, энди 2016 йил 31 январгача амалда бўлади.
Изоҳ (0)