«Реал» бош мураббийи Рафаэль Бенитес жамоа ҳужумчиси Криштиану Роналду билан ўрталарида ҳеч қандай зиддият йўқлиги ҳақида айтиб ўтди, деб хабар беради «Uff.uz».
«Криштиану билан бирга ишлаб, ундаги ғалабага бўлган ирода ва ғолиблик руҳи қанчалик кучли эканлигига ишонч ҳосил қилиш мумкин. Жамоадаги барча футболчилар мана шундай иштиёққа тўла бўлишларини истардим.
Менинг Роналду билан муносабатларим худди бошқа футболчилар каби. Ҳар куни мулоқотда бўламиз. Ортиқча гап-сўз бўлиши ҳам мумкин эмас. Албатта, одамлар турли миш-мишларни тарқатаверади. Аммо буларнинг ҳаммаси беҳуда гаплар», — дейди Бенитес.
Эслатиб ўтамиз, яқинда Криштиану Роналду Бенитеснинг иш услубига ўз норозилигини билдириш мақсадида машғулотдан эрта кетиб қолгани, яна бир машғулот чоғида эса мураббийга қўпол жавоб қайтаргани хабар қилинганди.
Изоҳ (0)