Ўз вазн (87 килограммгача) тоифасида жаҳоннинг биринчи рақамли таэквондочиси бўлиб турган ўзбекистонлик Жасур Бойқўзиев 22 июль куни Жанубий Кореяда бошланган Korea Open мусобақасида ғолиблик шоҳсупасига кўтарилди. Бу ҳақда «Olamsport.com» хабар бермоқда.
Бундан ташқари, ўзбекистонлик таэквондочи Рио-2016 Олимпиадасининг муҳим 20 рейтинг очкосига ҳам эга бўлди. Шундай қилиб, Бойқўзиевнинг умумий рейтинг очколари 340 тага етди.
Маълумот учун, таэквондонинг олимпия ўйинлари оиласига мансуб WTF йўналишидаги энг нуфузли ҳисобланган мазкур мусобақада Ўзбекистон терма жамоасининг тўлиқ таркиби иштирок этяпти.
22 июль куни бўлиб ўтган баҳсларда эса ўзбекистонликлардан 54 килограммгача бўлган вазнда Сарварбек Шералиев ҳамда қизлар терма жамоаси аъзолари Малика Комилова ва Раъно Бойбўтаева мағлубиятга учради.
23 июль куни жаҳон чемпиони, ўзбекистонлик Дмитрий Шокин 87 килограммдан оғир вазн тоифасида даянга чиқади. Шунингдек, ака-ука Никита ва Максим Рафалович, Султонбек Чоршабоев, Аброр Нуриддинов, Владислав Хан, Умида Абдуллаева, Гўзал Норбобоева каби ўзбекистонлик етакчи спортчилар ҳам ўз имкониятларини синовдан ўтказади.
Изоҳ (0)