23 июль, пайшанбага ўтар кечаси Қозоғистоннинг Олма-Ота шаҳри чекка туманларига сел оқими ёпирилди. Қурбонлар йўқ, маҳаллий аҳоли яқин атрофдаги мактабларга кўчирилмоқда. Бу ҳақда «Новости–Казахстан» хабар бермоқда.
Маълумотларга кўра, Каргалинка кичик дарёсининг сув сатҳи кўтарилгани ва Карагайли ҳамда Таусамали митти туманларини қисман сув босгани ҳақидаги маълумот 23 июль, соат 03.00 да олинган. Олма-Отанинг Наврўзбоев тумани маъмуриятида ва 176-мактабда жабрланганларни қабул қилиш пунктлари очилди: уларга тиббий ва руҳий ёрдам кўрсатилмоқда, ичимлик суви ҳамда озиқ-овқат маҳсулотлари билан таъминланмоқда.
Шаҳар ички сиёсат бошқармаси бошлиғи Санжар Бокаевнинг айтишича, Олма-Отага селнинг иккинчи оқими келиши хавфи кутилмаяпти, дамбалар ҳолати эса талабларга жавоб беради.
Изоҳ (0)