23-iyul, payshanbaga o‘tar kechasi Qozog‘istonning Olma-Ota shahri chekka tumanlariga sel oqimi yopirildi. Qurbonlar yo‘q, mahalliy aholi yaqin atrofdagi maktablarga ko‘chirilmoqda. Bu haqda “Novosti–Kazaxstan” xabar bermoqda.
Ma’lumotlarga ko‘ra, Kargalinka kichik daryosining suv sathi ko‘tarilgani va Karagayli hamda Tausamali mitti tumanlarini qisman suv bosgani haqidagi ma’lumot 23-iyul, soat 03.00 da olingan. Olma-Otaning Navro‘zboyev tumani ma’muriyatida va 176-maktabda jabrlanganlarni qabul qilish punktlari ochildi: ularga tibbiy va ruhiy yordam ko‘rsatilmoqda, ichimlik suvi hamda oziq-ovqat mahsulotlari bilan ta’minlanmoqda.
Shahar ichki siyosat boshqarmasi boshlig‘i Sanjar Bokayevning aytishicha, Olma-Otaga selning ikkinchi oqimi kelishi xavfi kutilmayapti, dambalar holati esa talablarga javob beradi.
Izoh (0)