«Барселона» билан АҚШда йиғин ўтказаётган ҳужумчи Луис Суарес ва ундан дастхат олган болакай ўртасида қизиқарли суҳбат бўлиб ўтди, деб хабар беради «Championat.com».
Суарес ўз дастхатини тўпга тушириб бераётганида болакай уни дунёнинг энг яхши футболчиси деб атади. Бироқ Суарес бу фикрга қўшилмади: «Мен дунёнинг энг яхши ўйинчиси эмасман. Ким энг зўрлигини ўзинг биласан».
Олдинроқ Суарес «кўк-анорранглилар»нинг ўтган мавсумдаги муваффақиятини такрорлашни исташини айтиб ўтганди. Эслатиб ўтамиз, 2014/15 йилги мавсумда Луис Энрике шогирдлари Испания чемпионати, мамлакат Кубоги ва Чемпионлар Лигасида ғалаба қозонган.
Изоҳ (0)