Украина президенти Пётр Порошенко мамлакатнинг Николаев вилоятига уюштирган ишчи ташрифи давомида ҳарбий-денгиз кучларининг тактик машғулотлари бориши билан танишди. Бу ҳақда «Korrespondent.net» хабар бермоқда.
«Президент ҳарбий-денгиз кучлари қўмондони, вице-адмирал Сергей Гайдук ҳамроҳлигида тезюрар катерда денгизга чиқди ва денгиз десантининг соҳилга туширилишини кузатди», — дейилади Порошенко матбуот хизмати хабарида.
Буг кўрфази ҳавзасида ўтказилган машғулотларда денгиз пиёдалари, махсус хизмат бўлинмалари, Украина ҳарбий-денгиз кучлари кемалари ва катерлари, шунингдек, денгиз авиациясининг учувчи қурилмалари, Ҳаво кучлари ва ва Қуруқликдаги қўшинлар қатнашди.
Хабар беришларича, мазкур ўқув-машқларидан кўзланган мақсад — ҳарбий-денгиз кучлари бўлинмаларини жанговар ҳаракатларнинг денгизбўйи, хусусан, Мариуполь йўналишида эҳтимолий ривожланишига тайёр ҳолда сақлашдан иборат.
Изоҳ (0)