Словениянинг Laibach гуруҳи Шимолий Кореяга мамлакат япон истилосидан озод этилганлигининг 70 йиллиги муносабати билан гастроль сафарига боришини эълон қилди. Бу ҳақда гуруҳ сайтида хабар берилган.
Мусиқачилар 19—20 август кунлари Пхеньяндаги Ким Вон Гюн номли консерваторияда концерт беради. Гуруҳ пресс-релизида ёзилишича, сафардан кўзланган асосий мақсад — КХДР фуқароларини Laibach ижоди билан таништириш. Шунингдек, концертга «халқлар ўртасида биродарлик ва ўзаро ишончни мустаҳкамлаш ниятида» чет элликларни таклиф этиш ҳам кўзда тутилган.
Шимолий Кореянинг Koryo Tours сайёҳлик компанияси хорижликларга концерт кунлари учун йўлланма сотишни бошлаб юборди. Беш кунлик сафар 1550, ўн кунлик эса 2390 еврога тушади.
Изоҳ (0)