Тошкентда Хитойнинг Yutong автобуслари тақдимоти бўлиб ўтди

Хитойнинг Yutong компанияси Тошкентда ўз сайёҳлик автобусларининг тақдимотини ўтказди, дея хабар бермоқда UzDaily.

Ушбу тақдимот сайёҳлик фаолияти субъектларини замонавий ва қулай автобуслар билан таъминлаш масаласига бағишланди. Хитой компанияси йўловчи, сайёҳлик автобуслари, жамоат транспортлари, шунингдек, узоқ масофаларга мўлжалланган махсус автобусларни таклиф этади.

Нашр таъкидлашича, Yutong маркасидаги автобуслар Ўзбекистонда фойдаланиб келинади ва экспертлар томонидан юқори баҳоланади.