Шимолий Кореяда КХДР маъмурлари фикрига кўра, маҳаллий Koryolink провайдерига рақобатчи бўлиши кутилаётган Byol номли янги провайдер интернет-сервиси ишга туширилди. Бу ҳақда NorthKoreaTech блоги маълумотларига таяниб, «Liga.net» хабар бермоқда.
Маълум бўлишича, янги провайдер чет эллик сайёҳларга симли Интернетдан сониясига 1 Мб тезликда чекланмаган ҳажмда фойдаланишни ойига 660 доллар эвазига таклиф этишни бошлаб юборган. Олдинроқ Koryolink фойдаланувчиларга атиги иккита хизматни таклиф этаётганди: меҳмонлар учун Интернет ва халқаро қўнғироқлар, аҳолига – маҳаллий тармоқ.
Пхеньяндаги манбанинг маълум қилишича, энди Koryolink фақат чет элликлар билан шуғулланади, мамлакат аҳолиси ва пойтахт меҳмонларига эса Byol хизмат кўрсатади.
Изоҳ (0)