Россия президенти матбуот котиби Дмитрий Песков АҚШ президентлигига номзод Хиллари Клинтоннинг Америка муассасаларига уюштирилган «хакерлик ҳужумларига бевосита ёки билвосита алоқадор» мамлакатлар қаторида Россияни ҳам санаб ўтганини «ўринсиз баёнот» ва «асоссиз айблов» деб атади. Бу ҳақда «Ведомости» хабар бермоқда.
Россия президенти матбуот котибининг қайд этишича, «хакерлик — бу халқаро муаммо ва бунга давлат томонидан ҳомийлик қилиниши ҳақида гапириш — мутлақо асоссиз айбловдир».
Хиллари Клинтоннинг сўзларига кўра, АҚШ давлат муассасаларига уюштирилган киберҳужумларга, Россиядан ташқари, Хитой, Эрон ва КХДР ҳам алоқадордир.
Изоҳ (0)