Мила Кунис ва Эштон Катчер расман никоҳдан ўтди

Голливуднинг машҳур жуфтлиги ўз муносабатларини расмийлаштирди, деб хабар беради «Газета.ru».

Мила Кунис ва Эштон Катчер 1998 йилда «70 йиллар томошаси» сериалини суратга олиш жараёнида танишган эди. 2005 йилда актёр Деми Мур билан турмуш қурди, бироқ 2011 йилдаёқ улар Катчернинг хиёнати туфайли ажрашиб кетди. Ўшандаёқ унинг Мила билан муносабатлари ҳақида миш-мишлар тарқалган эди.

2012 йилнинг августида улар ўз муносабатларини расман эълон қилган эди. Ўтган йилнинг октябрь ойида уларнинг қизи дунёга келди. Шу йилнинг июнь ойида Миланинг иккинчи фарзандини кутаётгани маълум бўлди.