Малайзияда АҚШнинг Wall Street Journal нашрида чоп этилган мақолада бош вазир Нажиб Раззоқнинг шахсий ҳисоб рақамига гўёки 700 миллион доллар ўтказиб бергани айтилган учта компанияга нисбатан текширув бошланди, деб хабар бермоқда «ТАСС».
«Улардан олиб қўйилган ҳужжатлар ўрганиш учун менга берилди. Энди Аксилкоррупция қўмитаси, полиция ва Марказий банк вакилларидан махсус шакллантирилган гуруҳнинг кейинги фаолиятига аниқлик киритилади. Умид қиламанки, барча жалб этилган томонлар махсус қарор чиқаришга ҳожат қолдирмасдан тергов аъзоларига кўмаклашади», − деди Малайзия бош прокурори Абдулғани Патайл.
Ўз навбатида, бош вазир барча айбловларни рад этмоқда, унинг котиби эса Раззоқ ўз ҳуқуқларини судда ҳимоя қилишини ҳам маълум қилган. Вазирлар маҳкамаси маъмурияти мақолани «сиёсий саботаж» деб атаган. «Бош вазир томонидан глобал иқтисодий инқироз даврида давлат муваффақиятли бошқарилганига қарамай баъзилар иқтисодий йўналишга ишончни йўқотиб, ҳукуматни қоралашга ва демократик йўл билан сайланган ҳукумат раҳбарини алмаштиришга уринмоқда», − дейилади хабарда.
Изоҳ (0)