NASA ходими Скотт Тиббитс ҳайдовчиларнинг телефонида хабарларни йўллаш ва қабул қилишни ҳамда қўнғироқларни блоклаб қўядиган қурилма ишлаб чиқди. Бу ҳақда Nur.kz хабар бермоқда.
Тиббитс 2008 йили иш бўйича ҳамкорларидан бири таксичининг хатоси билан вафот этганидан сўнг мазкур қурилмани ишлаб чиқишга қарор қилган – ўшанда такси ҳайдовчиси йўлда SMS ёзишга урингани автоҳалокатга сабаб бўлганди.
Австралияда ҳаракат вақтида мобил телефонлардан фаол фойдаланувчи ҳайдовчилар билан айби билан йўл-транспорт ҳодисалари сони тинимсиз ўсиб бораётгани сабаб, Тиббитс ўз хизматларини айнан мазкур мамлакат телекоммуникация ва суғурта компанияларига таклиф қилди.
Кашфиётнинг тафсилотлари маълум қилинмаяпти. Бироқ, «Синьхуа» маълумотларига кўра, қурилма руль остига ўрнатиладиган ва 1996 йилдан кейинги даврда ишлаб чиқарилган аксарият автомобилларда ишлай оладиган блокиратордир.
Гаджет автоматик равишда Интернетга уланади ва двигатель ишлашни бошлаши билан ҳайдовчининг смартфонини «ўчириб» қўяди, бироқ ҳаракат вақтида зарур бўладиган GPS модулини блок қилмайди.
Изоҳ (0)